Hornindalsvatnet kan bli Hornindal kommune si framtidige hovudvasskjelde. Utviklingsutvalet tilrår i alle fall dette - stikk i strid med tilrådinga frå rådmannen, som ville ha Holskarvatnet (840 meter over havet) som vasskjelde.
Tilrådinga frå utviklingsutvalet, som blei vedteken samrøystes etter framlegg frå Jon Åge Torheim (Sp), er i tråd med den tilrådinga Norconsult tidlegare har gjeve. Hornindalsvatnet som vasskjelde er rekna til å bli 10-12 millionar kroner billegare enn Holskarvatnet. Hornindal kommunestyre skal gjere vedtak i saka torsdag.