Tilrår 80.000 kroner til reparasjon av tak

Utval for utvikling rår til at Hornindal kommune løyver 80.000 kroner til ekstraordinært vedlikehald på Anders Svor museum.

- Taket på tilbygget mot nord lek. For å unngå skader i konstruksjon og på utstillingane må dette reparerast, blir det slått fast.

Innhenta kostnadsoverslag viser at takreparasjonen vi koste ca 60.000 kroner pluss moms. Ved å nytte 38.000 kroner som står på museet sitt driftsfond - og resten over vedlikehaldsfondet, kan strakstiltaket gjennomførast utan auka lånegjeld for Hornindal kommune.

Kommunestyret fattar endeleg vedtak i møtet 28. april.