Simon Hjelmeset Kirkeeide, Markane IL var berrre eitt sekund frå sigeren i 16-årsklassen på fellesstarten i skiskyting på Liatoppen i dag. Vinnar var Kristoffer Sverdrup frå Dombås. Lasse Flo Bødal, Stårheim gjekk til topps i klasse gutar 14 år.
Det var også mange andre gode lokale plasseringar heilt oppe i toppen i dag. Gunn Kristi Tvinnereim, Hardbagg kom også på pallen ved å bli nummer tre i jenter 14 år. Martin Aaland, også han frå Hardbagg vart nummer fire i gutar 15 år. Ann Kristin Aaland, Hardbagg kom på 5. plass i fellesstarten i klasse jenter 12 år. Maren Hjelmeset Kirkeeide, Markane vart nummer 7 i jenter 13 og Mari Sofi Meland, Markane nummer 9 i jenter 14 år. Torje Seljeset, Hornindal kom på 8. plass i gutar 11 år.
På sprinten laurdag kom Lasse Flo Bødal på 3. plass, Ann Kristin Aaland på 6. plass, Gunn Kristi Tvinnereim på 10.plass og Torje Seljeset på 11. plass. Oskar Guddal Breivik, Markane vart nummer 13 i gutar 14 år.
I Larsen-stafetten fredag kom Markane sitt 1. lag på 15. plass i gutar 13-16 år. På laget gjekk Oskar Guddal Breivik, Sigurd Fotland Fænn og Simon Hjelmeset Kirkeeide. Her var over 60 lag med.