Etter ein utskjeld KS1-rapport som talar for å strosse dagens tunnelar over Strynefjellet, har mange krefter sett behov for å friske opp alle dei argumenta som talar for ny tunnel ved Strynefjellet.
Fjordingen har omtalt stortingsrepresentant Frida Melvær (H), stryneordførar Sven Flo (H) og varaordførar Torstein Tvinnereim (V) sitt møte med representantar i transport- og kommunikasjonskomiteen på Stortinget om den viktige passasjen mellom aust og vest.
No har delegasjonsleiar og stryneordførar Sven Flo samla saman følgande delegasjon som skal i møte med departementet torsdag.
Lena Landsverk Sande (V) ordfører i Vanylven
Hans Olav Myklebust (Frp) Kommunestyrerepresentant i Ørsta
Jan Ove Tryggestad, Styreleiar for Sunnmøre Regionråd
Arnljot Muren, representant for Geiranger Veginvest
Bjørn Lødemel, Styreleiar i Hornindal næringslag
Pål Bakke, Seniorrådgjevar i NHO MR
Alexander Hopland, Økonomisjef i Nordfjord Kjøtt
Rolf Olav Tenden, Styreleiar i NLF Sogn og Fjordane
Svein Sunde, Dagleg leiar i Gode Vegar.
- Hovudbudskapet vårt i dette møtet er å få vist konsekvensen dette vil få for næringslivet og turistnæringa. Vi vil legge harde tal og fakta på bordet for det som er det einaste alternativet for Strynefjellet, orienterte Flo for formannskapet onsdag.