Frå hausten av må elevar som vil ta dans- og drama opplæring i Vestland fylkeskommune, reise til Bergen. Det blir konsekvensen dersom fylkesdirektøren for opplæring får politikarane med på å ikkje vidareføre dagens tilbod ved Firda vidaregåande skule på Sandane. Vi som har skrive under dette oppropet, vil på det sterkaste ta avstand frå ei dramatisk nedbygging av kulturfaga i distrikts-Vestland.
Vi treng dagens tilbod på Firda vgs for å rekruttere nye talent til kultursektoren og gje dagens unge eit kreativt opplæringstilbod. Utdanningsprogrammet i musikk, dans og drama på Sandane har vore ei stor inspirasjonskjelde for kulturlivet i Sogn og Fjordane. Det faglege nivået har vore høgt, elevane har utfolda seg i store oppsettingar på skulen og i samarbeidsprosjekt med til dømes Opera Nordfjord, Teater Vestland, Teaterfestivalen i Fjaler og mange andre viktige kulturaktørar i fylket. Vi ser også at mange av elevane frå Firda gjer karriere i det profesjonelle kulturlivet både i eige fylke og på riksscener rundt i landet. Å ta vekk dans- og dramatilbodet på Firda slik fylkesdirektøren no gjer framlegg om, kjennest som eit knyttneveslag både mot kulturlivet og skaparkrafta i fylket vårt.
Vi er klar over at søkartalet til dans- og drama opplæringa på Firda vgs er relativt låg det komande skuleåret. Vi vil likevel be om at tilbodet vert starta. Tilbodet på Firda er det einaste dans/drama tilbodet i distriktsdelen av Vestland. Vi veit at tilboda i Bergen er fylt opp med andre ungdommar.
Dersom ein skal kunne ha breidde i opplæringstilbodet, og oppretthalde eit sterkt kompetansemiljø, må ein tole at det nokre år er noko lavare elevtal i enkelte grupper.
Det vil vere eit stort tap for kulturarbeidet i regionen vår om dans/drama tilbodet ved Firda vgs ikkje kjem i gang komande skuleår. Vi vil på det sterkaste tilrå at tilbodet kjem med i det endelege oppsettet slik at dei unge kan få oppfylt draumen sin om å stå på scena og skape rike kulturopplevingar for folk flest i bygd og by.
Nikolai Storevik, dagleg leiar Sogn og Fjordane Folkemusikklag
Elisabeth Bustos, dagleg leiar Dans uten grenser
Liv Basberg, leiar Bergen Dansesenter - kompetansesenter for dans i Vestland
Torkil Sandsund, Teaterfestivalen i Fjaler
Kristin Geiring, rådgjevar Kulturskulerådet
Kjetil Høgseth Felde, styreleiar Kulturskulerådet
Ola Tennes, festivalsjef Gloppen Musikkfest
Hanne Oftedal, styreleiar Gloppen Musikkfest
Ann Karin Ose, festivalsjef Ose Kammerspel
Hallvar Helgheim, leiar Jølster Jazzklubb
Vegar Sårheim, leiar Norsk Countrytreff
Remi Tystad, Glopperock
Hans Andenæs, leiar Fjordblues
Kari Standal Pavelich, operasjef Opera Nordfjord
Sølvi Lien, direktør Førdefestivalen
Jon Are Steen, Høgskulen i Volda, avd. for kulturfag
Sigurd Kvikne, Balejazz
Randi Rolvsjord, Griegakademiet
Kristin Sandal, OnCue Music Production
Stig Kamonen, OnCue Music Production
Ola Tarjei Kroken, dagleg leiar Trivselshagen - kultur
John Rune Ødven, rektor Gloppen kulturskule
Ingrid Schei Stuhaug, rektor Stryn kulturskule
Trude Skarvatun, rektor Sunnfjord kulturskule
Benedikte Dæmring, rektor Stad kulturskule
Arne Sunnarvik, rektor Kinn kulturskule
Roar Sandnes, rektor Sogn kulturskule
Mats Systaddal, rektor Kulturskulen i Hyllestad, Askvoll og Fjaler
Sigyn Øren, rektor Årdal kulturskule
Katrine Clausen Fredheim, rektor Aurland kulturskule
Jorunn Reina, leiar Danseverkstedet i Førde
Cecilie Grydeland Lundsholt, teatersjef Teater Vestland
Aud Marie Aasen, direktør Teater Vestland
Olaf Mackenzie, direktør Bergen Nasjonale Opera
Eivind Gullberg Jensen, Bergen Nasjonale Opera