Måndag er det også val til fylkestinget. Til årets fylkestingsval har Venstre ein blaksetbygdar på topp og ein randabygdar på 6.plass. I alle fall har vi vokse opp der.
Sjølv om Åsta er flytta til Bergen ligg garden der og snart skal ho flytte heim. Derfor held ho lokalkunnskapen ved like.
Kva vil vi kjempe for? Ein god vidaregåande skule i heile fylket, og ikkje minst at Stryn vidaregåande skule skal vere ein god skule for våre ungdomar i lang tid framover.
Vi ynskjer å styrke miljøkoordinatorstillinga og laget kring enkelteleven. For sju år sidan starta Torstein opp Nordfjord Opplæringskontor. Vi ser kor viktig eit godt opplæringskontor er for lærlingen, og vil styrke tilbodet til lærlingane både i arbeid og på fritid.
Så vil vi ha eit særskilt auge for rassikring i Stryn kommune og jobbe for utbetring av smale parsellar både på Nordsida, fv 60, Oldedalen og Lodalen.
Til slutt har vi eit stort hjarte for kultursatsing og kulturminne. Singerheimen og Gamle Innvik Ullvarefabrikk er viktige historiske bygg som fylkeskommunen absolutt bør vere med å ta vare på og utvikle.
Åsta Årøen, fylkesordførarkandidat Venstre
Torstein Tvinnereim, 6. kandidat Venstre