– Gje oss moglegheita til å leve gode liv

Denne hausten er det kommuneval og vi i Norsk Revmatikerforbund vil stille nokre enkle spørsmål til de politiske partia i Stryn kommune:

Norsk Revmatikerforbund arbeider for å betre tilbodet til personar med muskel- og skjelettplager og revmatiske sjukdommar. Vi arbeider for å betre behandling- og rehabilitering for en pasientgruppe som i stor grad ikkje blir friske. Vi må lære å leve med sjukdommen.

For å leve så friske liv som mogeleg er trening viktig, og vi opplever at den beste treninga er trening i varmtvannsbasseng. Dette er trening som reduserer smertene og aukar funksjonsnivået vårt. Dei fleste av NRF sine lokallag i det ganske land har i en årrekke organisert treningstilbod i varmt- vann med instruktør. Det ynskjer vi i Stryn revmatikerlag å gjere i vår kommune også. Der var eit varmtvannstilbod som kommunen tok vekk i 2006 utan å erstatte det med noko nytt varmtvannsbasseng. Trening i varmtvann bidrar til at medlemmene våre kan stå i jobb, delta i kvardagen og familieliv. Ved å vere friskare brukar vi færre kommunale og statlege helsetenester. I tillegg gir det oss moglegheit til å stå i arbeid og bidra til fellesskapet over skattesetelen. Så ved å gi oss moglegheita til å gjennomføre den rehabiliteringa vi trenger, sparer kommunen og staten pengar på sikt.

Det vi treng er ein kommune som ser verdien av å ha så friske innbyggjarar som mogleg. Vi treng eit varmtvannsbasseng slik at vi kan få gjennomført den rehabiliteringstreninga vi er avhengige av for å leve gode liv. Tilbodet i spesialisthelsetenestene er bygt ned, på vilkår om at kommunane skulle bygge ut sitt rehabiliteringstilbod.

Så våre spørsmål til dei politiske partia i Stryn er: Korleis vil de prioritere vårt gode liv?

Vil de prioritere å få bygd varmtvannsbasseng slik at vi får moglegheita til å ta vare på vår helse?

Sonja Fjellkårstad

Stryn revmatikarlag