– Vestland Ap positive til å finne finansieringsløysing for Storelva bru i Innvik

Vestland Ap positive til å finne finansieringsløysing for Storelva bru i Innvik NVE har sett av kr 85 mill. til heilt naudsynt flaumsikring av Storelva i Innvik.

Ein føresetnad for gjennomføring av dette viktige flaumsikringstiltaket, er at Vestland fylkeskommune, som har ansvar for fv 60, finansierer ny Storelva bru.

Dersom Vestland fylke ikkje tek kostnadane med ny fylkesvegbru, legg NVE bort planane om flaumsikring av Innvik sentrum. NVE vil heller ikkje planlegge andre naudsynte flaumsikringstiltak i Vestland fylke, der fylkeskommunal infrastruktur er involvert. Dette vil få uakseptable negative konsekvensar for verksemder og bustadar i bygdesamfunn som er utsette for flaumfare.

Det vert arbeidd mot Storting og Regjering for å sikre statleg finansiering av liknande tilfelle på sikt. Men dette vil ta tid, som Innvik ikkje kan vente på.

Vestland Ap vil, i samband med budsjettprosessen hausten 2023, ta initiativ til å legge finansiering av ny Storelva bru i Innvik inn Vestland fylkeskommune sitt budsjett / økonomiplan, slik at NVE sitt arbeid med å sikre Innvik mot framtidig skadeflaum kan starte no.

Stian Jean Opedal Davies

Arve Helle