Hornindal Høgre hadde ordføraren i Hornindal frå 1995 til 2020 bortsett frå fire år. No håpar vi at vi kan få Sindre Rotevatn som Volda kommune sin ordførar dei komande fire åra. På heimesida til Volda Høgre finn du både valprogrammet og fleire saker som handlar om den utviklinga som vi ønskjer å skape både i Hornindal og i resten av kommunen.
Volda Høgre har ei positiv grunnhaldning til initiativ som skapar utvikling og framgang i heile Volda kommune. Volda Høgre er særleg positiv til frivillige lag og organisasjonar som tek initiativ til samfunnsutviklinga i stort og smått. Vi er positiv til alle former for tiltak i nærmiljøa, både i privat og offentleg regi som stimulerer til aktivitet, trivsel og folkehelse. Derfor vil Volda Høgre støtte og samarbeide med frivillige lag, organisasjonar og enkeltpersonar som bidreg til aktivitet og gode bu-miljø.
I heile Volda kommune er det mange som gjer mykje for sitt nærmiljø. I Hornindal er det eldsjeler og organisasjonar som driv omfattande og svært positive arrangement og aktivitetar som skapar trivsel og gode opplevingar. Gode døme på det er Hornindal Skisenter, Hornindal Rundt, Dansegallaen og Foreininga Grobygget som har gjort ei omfattande opprusting i Grobygget og Groparken til glede både for honndøler og tilreisande. Hornindal Næringslag pyntar og lagar det triveleg i Grodås sentrum på dugnad og andre eldsjeler tek vare på og vidareutviklar kulturarven. Volda Høgre set pris på og heiar på alle eldsjelene i heile Volda kommune.
Vallista til Volda Høgre er sett opp alfabetisk og vi minner om at ein står fritt til å gje stemmetillegg til dei ein ønskjer som representantar i kommunestyret. Vi har mange dyktige kandidatar både frå tidlegare Volda kommune og Hornindal kommune, og Sindre Rotevatn ønskjer å bli ein ordførar som spelar på lag med alle i heile Volda kommune.
Thore Heggen, listekandidat og medlem i Volda kommunestyre
Robert Grodås, listekandidat og medlem i helse- og omsorgsutvalet