I tillegg til deltakarar frå arrangørklubben var også utøvarar frå Fana Karateklubb og Askøy Karateklubb med på treningssamlinga, som vart avslutta med gradering på søndag.
– Vi hadde om lag 60 deltakarar i alderen seks til over 60 år, seier Sissel Johannessen i Loen Karateklubb.
Tre utøvarar frå den lokale klubben fekk brunt belte på treningssamlinga. Det var også graderingar til oransje og blått belte.
Karate i Loen sidan 2016
Karateklubben i Loen såg dagens lys i januar 2016, og klubben har i dag 36 medlemar. I tillegg til treningar i eigen klubb har initiativtakar Sissel Johannessen teke med seg utøvarar på andre samlingar og tilstellingar.
– Nokre var med og såg på norgesmeisterskapet i karate i mars då det vart arrangert i Bergen, seier Johannessen. Ho fortel også at det blir ny Bergenstur i slutten av oktober:
– Då blir det treningssamling i lag med andre klubbar, mellom anna frå England.