Håkon Midthjell Gjørven (19)
Student
Gjørven, Stryn
– Kva opptek Håkon Midthjell Gjørven for tida?
– Akkurat no studerer eg på Lillehammer, der eg både går på skule og trenar skiskyting.
– Ferierer du?
– Ja, i år var eg ein tur til Rhodos i ei veke. Elles har eg jobba ganske mykje.
– Kva er di draumeoverskrift i Fjordingen?
– 19-åring vann Skåla Opp.
– Tips til ein regnversdag?
– Kle deg godt, enkelt og greitt. Elles kan ein lese ein god bok, eller Fjordingen.
– Favorittbadeplass?
– Dispeholmen!
– Badeshorts eller speedo?
– Badeshorts.
– Din sommarhit?
– «Sommarkroppen» av Mads Hansen.
– Kva les du om sommaren?
– Mest aviser eigentleg, artiklar om ulike ting. Det går veldig mykje i sport.
– Du får sommargjester. Kva attraksjon i indre Nordfjord tek du dei helst med til?
– Det er jo veldig fint oppe på Hoven no då, med fine moglegheiter for alt mogleg, så eg trur eg tek dei med meg dit.
– Kven får di helsing gjennom lokalavisa?
– Eg må helse til familien, helse han farfar og alle dei andre.