Laurdag opna årets Oktoberfestbutikk i Stryn. Tradisjonen tru skjedde det også i år med ompa-pomp og prakt, pølser og god stemning.

Fylt opp: Butikksjef Endre Bø har også i år fylt opp butikken med diverse dirndl, lederhosen og tilbehør.

Det har også blitt tradisjon at dei siste ledige billettane til Oktoberfesten blir selde i samband med butikkopninga.

Og då opninga fann stad, var det også i år lang kø, han strekte seg frå den nye butikken (i gamle "videokiosken") over plassen, runda hjørnet på det offentlege toalettbygget og strekte seg vidare på baksida av gamle kommunehuset.

Godt utstyrt: Max Gausen, Johannes Håberg og Magnus Buntemeyer hadde utstyrt seg skikkeleg for timar i kø.

Dei ivrigaste hadde stått/sete 10 timar i kø, men stemningen var god, og dei lengst ventante var godt utstyrte for køsitjing med både stolar, pledd, mat og godt med klede.

Ompamusikk og servering av m.a. pølser høyrer med til opninga av Oktoberfestbutikken, som i Stryn har blitt ei slags offisiell erklæring av at hausten er på veg. Foto: SPPC