UP i Nordfjord hadde promillekontroll på FV 60 på Rake søndag der 165 bilistar vart kontrollert.
– Ein fekk utslag på under 0,2 i promille. Passasjeren var edru og fekk køyre vidare, opplyser UP.
UP hadde også fartskontroll i 50-sona ved moloen på RV15 i Stryn sentrum søndag. Her fekk 13 førarar forenkla førelegg der høgaste målte fart var 70 km/t. Føraren fekk 7.800 kroner i bot og tre prikkar på sertifikatet sitt.
Vidare vart ein førar målt til 62 km/t og blåste i tillegg til 0,4 i promille i alkometeret som er over lovleg verdi.
– Føraren vert anmeldt for dette, men beheld førarkortet då grensa for førarkortbeslag er 0,5 promille, opplyser UP.