Ein bilist vart fotgjengar for ein periode, etter å ha køyrd inn i strynepolitiet sin laserkontroll i Setrevegen i Stryn måndag ettermiddag. Vedkomande vart målt til 56 km/t i 30-sona og samtykka til førarkortbeslag, melder politiet.
Ingen andre vart stoppa i kontrollen som varte ein god halvtime.
Seinare måndag kveld gjennomførte politiet kontroll i 50-sona i Olden. Her vart det skrive ut eitt førelegg til ein sjåfør som vart målt til 72 km/t.