– Seint fredag kveld er det venta høg vasstand. Sjekk fortøyning til båten og sikre lause gjenstandar i strandsona. Den høge vasstanden kan gje vasskadar på infrastruktur og bygningar enkelte stadar i strandsona, opplyser Yr.
Uvissa i varsla vasstand er 5-10 cm, opplyser Yr vidare på si nettside.
Varselet gjeld for kyst- og fjordstrøk i Sogn og Fjordane.
Det er også varsla om auka flaumfare fredag og laurdag.
– Det er fare for flaum på gult nivå i brevassdrag fredag kveld og laurdag. Kombinasjonen av varm luft som gir stor bresmelting og regn fredag kveld aukar flaumfaren i brelvane.
Dette varselet gjeld for brevassdrag i Vestland.