– Eg ønskjer å styrkje lokaldemokratiet og flytte meir makt og ansvar til kommunane. Dette lovforslaget vil gjere det enklare å lage nye kommunevåpen for kommunar som skal slå seg saman, seier kommunal- og moderniseringsminister Jan Tore Sanner.
Det er i dag strenge reglar for kommunevåpen og kommuneflagg. Utkast frå kommunane til kommunevåpen og kommuneflagg må kontrollerast av Arkivverket og godkjennast av Kongen i statsråd.
For å styrkje lokalt sjølvstyre og forenkle regelverket foreslår departementet å oppheve den statlege godkjenningsordninga og flytte ansvaret til den enkelte kommune.
(©NPK)