Dette er målgruppene for ny oppfriskingsdose i haust:
Aldersgruppa 65 år og eldre, og sjukeheimsbebuarar
Aldersgruppa 18–64 år som inngår i ei risikogruppe
Aldersgruppa 12–17 år med alvorleg grunnsjukdom
Aldersgruppa 5–11 år med alvorleg grunnsjukdom etter individuell vurdering
Gravide
– Folkehelseinstituttet har på bakgrunn av forventa vidare smitteutvikling og oppdatert kunnskap føreteke ei vurdering av behovet for ytterlegare doser koronavaksine til hausten, og har altså tilråda same målgrupper som hausten 2022, skriv Folkehelseinstituttet (FHI) i eit brev til kommunene.
Vidare skriv FHI at deira vurdering er at det ikkje er grunnlag for å gje ei eiga tilråding om ny oppfriskingsdose til helsepersonell. Helsepersonell som høyrer til ei risikogruppe, derimot, blir tilrådde vaksine.