Grodås Cup 2016 som går av stabelen 18. og 19. juni, får ny deltakarrekord. Det opplyser Knut Ove Grodås til Fjordingen.

- Vi har per i dag 95 påmelde lag, men reknar med at det vil kome til ytterlegare to lag. Det blir uansett rekord for Grodås Cup, slår Knut Ove Grodås fast.

Grodås Cup starta i 1998. Då deltok 28 lag. Med unntak av 2012 då ein bygde hall og kunstgrasbane, har cupen vore arrangert kvart år. I 2015 deltok 92 lag. Men rekorden blir altså slegen med i årets turnering.