Med 900 hestekrefter under panseret

Ole Johnny Faleide har med seg konkurransebilen på Motorfestivalen i Stryn. Ein Toyota Supra med ikkje mindre enn 900 hestekrefter.

- Eg satsar på drifting som går ut på køyre mest mogeleg sidelengs, fortel Ole Johnny Faleide, vågsøyværing med hus på Faleide.

Drifting er ein teknikk som går ut på å få bakhjula til å miste grepet mot underlaget, slik at ein spinn seg gjennom svingane. Eller sagt med andre ord; kontrollert spinning.

- Næraste baner for spinning finn vi i Kaupanger og Ålesund, fortel Ole Johnny Faleide.