Nedstryn kyrkje har fått nytt lydanlegg som omfattar automiksar, åtte mikrofonar, to vegghøgtalarar, to basshøgtalarar og kontrollpanel som gjev mogeleg til styring frå galleriet.
- Det geniale med dette systemet er at automiksaren gjer jobben til profesjonelle lydteknikarar, forklarar soknerådsleiar Svein F. Rønne.
- Med dette nettverksbaserte systemet tek vi kyrkja inn i moderne tid. Kjernen i lydanlegget er den same som vi finn i Oslo Konserthus og på andre store arenaer, seier Einar Ytrelid i Bose Professional.
Soknerådsleiar Svein F. Rønne gler seg over at Nedstryn kyrkje har fått på plass eit anlegg som sikrar betre lyd. Det gjeld ved konsertar, framføring av situasjonsspel og andre tilskipingar, med unntak av gjesting der profesjonelle artistar stiller med eige lydanelgg.
- Anlegget blir første gong prøvd under gudstenesta søndag, der vi har gjestkor, opplyser kyrkjetenar Ivar Kyrkjeeide.