To bilar og ein lastebil var involverte i ei trafikkulukke på rv 15 Strynefjellsvegen måndag morgon. Politiet opplyser til avisa Fjuken ein person er sendt til sjukehus/legevakt. Ulukka skjedde då ein lastebil køyrde inn i ein stilleståandepersonbil. Denne vart dytta inn i ein annan personbil med hengar.
Ulukka skjedde i Hamsevika i Breidalen i Skjåk kommune.
Det var vanskelege vêrtilhøve på fjellet måndag morgon, og vegen vart stengd som følgje av ulukka.