Ved å løyve 100.000 kroner frå næringsfondet, vil Hornindal kommune sikre fullfiansiering av to klartreparkar med samla kostand på vel 1,4 millionar kroner. Det blir i den samanheng synt til at klatrepark bidreg til å skape "liv og røre", noko som igjen vil vere til nytte for butikkar og andre næringsverksemder i Grodås sentrum.
Hornindal kommunestyre har vedteke at det skal byggjast to klatreparkar, ein ved Hornindal skule og ein i Grodås sentrum. Kvar klatrepark kostar ca 600.000 kroner. I tillegg kjem utgifter med grunn og tlirettelegging, slik at totalbeløpet er anslege til 1.428.000 kroner (eks moms).
Dersom Utval for utvikling fylgjer tilrådinga frå saksansvarleg Ståle Hatlelid, vil ein sikre fullfinansering ved å løyve 100.000 kroenr frå næringsfondet. Noko næringsavdelinga i fylket har gjeve aksept for.
- Sjølv om næringsavelinga ynskjer å vri bruken av næringsfonda meir mot bedriftsretta tiltak, blir det opp til kommunen å vurdere om ein skal bruke næringsfondet til klatrepark, blir det slått fast i saksutgreiinga.
Finansieringsplanen viser at spelemidlar vil dekke 600.000 kroner, tilskot frå Sparebankstiftinga 375.000 kroner og tilskot frå næringslaget 125.000 kroner.