Haustsesongen har starta perfekt for Stryn sitt herrelag, etter tre sigrar på tre kampar, og i dagens kamp mot Vik leverte dei verene på ny.
Så langt denne hausten har Stryn slått Dale, Fjøra og Årdal, og i dag sikra dei seg sin fjerde siger på like mange forsøk etter sommarferien, då dei slo Vik 0-3 på bortebane.
Det såg ut som om Stryn skulle få ein marerittstart på kampen, då dommaren peika på straffemerket før ti minutt var spela. Stryn sin nye keeper, Håvard Hetle, nekta å sleppe inn så tidleg, og redda straffa. Like etter denne redninga var det Stryn som tok leiinga på Vik Kunstgras. Rett før pause dobla Stryn si leiing etter ein corner, og laga gjekk til pause på stillinga 0-2.
I andre omgang haldt Stryn fram der dei slapp, og scora enda ein gong før kampen var over. Ingen baklengsmål sørga dermed for ein solid 0-3 siger til Stryn, som fossar vidare i Kretsligaen.