Det er ekstremveret «Ingunn» som er i kjømda.
Frå onsdag ettermiddag til torsdag morgon er det venta orkan på kysten, og vindkast på 35-50 m/s. Dei kraftigaste vindkasta er venta i ytre strøk frå Stad til Helgeland, opplyser Meteorologisk Institutt.
Det er eit stormsenter som kjem inn i Norskehavet onsdag kveld og går nordover langs kysten av Nordland.
Ekstremveret, som har fått namnet “Ingunn”, er venta å gje sørvest sterk storm til orkan på kysten av Nordfjord, Møre og Romsdal, Trøndelag og Helgeland onsdag kveld.
Vinden aukar først i sør.
Natt til torsdag dreiar vinden vestleg med mogleg orkan i Nord-Trøndelag og Sør-Helgeland. Utover dagen torsdag går vinden på nordvest og minkar gradvis, først i sør.
På kysten er vindkast venta på 40-50 m/s. Medan i indre strøk er lokalt vindkast venta på 30-35 m/s.
Det er også venta kraftige vindkast på gult farenivå på delar av Austlandet og Vestlandet onsdag og torsdag, opplyser Meteorologisk Institutt.
Myndigheitene anbefaler i samband med ekstreveret Ingunn at folk:
Held seg inne
Følgjer råd frå beredskapsmyndigheiter
Følgjer råd frå Statens Vegvesen og sjekkar vegmeldingar (175.no) dersom du MÅ kjøyre
Følg råd og sjekk status frå transportaktørar
Gjer heimen din klar for eit potensielt lengre straumbrot
Ver forsiktig ved ferdsel i strandsona og på sjøen
På førehand vurderer tiltak for å avgrense skade
Du finn oppdatert informasjon på varsom.no: https://www.varsom.no/vaervarsling/varsel/137650